Valla om latsi ja nuuri võrokeelitside kirätöie võistlus "Mino Võromaa 31". Oodami töid märdikuu 24. pääväs (24.11.2017).
Timahava om "Mino Võromaa" võistlus Uma Lehe jutuvõistlusõga ütel aol.
Manu saagi lukõ Umast Lehest:
http://umaleht.ee/article/sulo
Inämb teedüst om ka failin, miä om kiräga üten.
Terviten
Kaile Kabun,
Võro instituudi projektijuht
Tere, hää listirahvas!
Märdikuul piämi võro keele nädälit (6.-12.11).
7. märdikuul kell 13 oodami 2.-7. klassi opilaisi jäl võro keelen ettelugõmisõ pääväle "Kullõ, ma loe sullõ!" Võro latsiraamadukokko.
Lugõminõ lugõ!
Lähkümbät teedüst saat failist, miä om kiräga üten.
Terviten
Kaile Kabun,
Võro instituudi projektijuht
Tel 525 3215
„Kullõ, ma loe sullõ!”
Võro latsiraamadukogon
Timahava peetäs võro keele nädälit 6.–12.11.
Võro instituut kuts 2.–7. klassi opilaisi võro keele nädälil
7. novvembril Võro latsiraamadukokko
(Jüri 54, Võro) võro keelen ettelugõmisõ pääväle „Kullõ, ma loe sullõ!”. Päiv
nakkas pääle kell 13.
Ütenlüümisest tulõs teedä anda ildamba 3. novvembril e-posti aadrõssi kaile.kabun@wi.ee pääle.
Pankõ kirja opilasõ nimi, kuul, klass,
teksti päälkiri ja autor.
Oodami kooli ütest klassikomplektist ütte ettelugõjat.
Pallõmi ettelugõjal proosapala inne koton/koolin vällä valli
ja ku vaia, ka lugõmist harjota.
Hää oppaja, latsi avitaja, rehkendäge teksti vällävalimisõ
man tuuga, et ettelugõminõ ei võtas üle 3 minodi! Vähämb või iks minnä. Säänest
aopiiri om vaia tuuperäst, et kullõja är ei väsüsi. Ku meeleperäline tekst om
liiga pikk, sis piäs tuud kuigi lühkümbäs tegemä (jätke mõni lõik vällä vms).
Teksti või esi vällä otsi, a mi soovitus om võtta
lugõmispala perämädse viie aastaga „Mino Võromaa” kogomikõst (25–29) vai võrokiilsist
Tähekeisist. Raamatit ja Tähekeisi saati lainada kas vai Võro instituudist.
Ettelugõmisõ pääväl tulõ raamat, aokiri vai aoleht kül
lugõjal hindäl üten võtta. Hõikami ettelugõja nime perrä vällä, a pallõmi täl
päälkirä esi üteldä vai ku om himmo, tuust kah kõnõlda, mille tä säändse jutu
valisi.
Ettelugõjit kullõs häätahtlik kirändüssõpru kogo. Lugõmist
hinnatas katõn vannusõrühmän: 2.–4. ja 5.–7. klass.
Eräle kaias:
hääd lugõmisoskust;
võro keele välläütlemist;
mõistmist kullõjat haarda ja uma jutt tälle arusaadavas
tetä;
kimmäst, julgõt olõkit.
Kõik ütenlüüjä saava tenokirä ja parõmba ka väiku avvuhinna.
Inämb teedüst saa telefoni 525 3215 päält (Kaile Kabun).
Kommentaare ei ole:
Postita kommentaar